Confirmada era preséncia dera varianta britanica dera Covid-19 en Aran

Era nauta taxa de contagis per Coronavirus qu’era Val d’Aran a viscut d’ençà eth finau des hèstes de Nadau ac hège a sospitar, e ara s’a confirmat: eth parçan comdpe dejà damb era preséncia dera varianta britanica dera Covid-19. 

Atau ac a afirmat eth departament de Salut dera Generalitat, e mès concretaments eth secretari de Salut Publica, Josep Maria Argimon. 

D’aguesta manèra s’a confirmat que 5 des 12 seqüenciacions amiades a tèrme en Aran corresponen ara varianta britanica dera COVID-19. Tanplan, eth departament de Salut catalan a afirmat que s’amiaràn a tèrme mès mòstres entà auer mès donades.

En çò que tanh ara situacion epidemiologica en Aran, aué s’a detectat un repunt enes naui contagis, en tot passar des 6 notificadi ager as 22 naui casi confirmadi pendent es darrères 24 ores. Eth risc de rebròt, totun, contunhe ara baisha damb es 1.114 punts d’aué. 

Per un auite costat, ena planta Covid son 13 es persones ingressades. 

Cau arrebrembar qu’era planta Covid comdpe damb 28 lhets e peth moment se descarte era situacion de collapse en espitau aranés.