Comencen es classes dera EOI en Vielha damb era nauetat deth C1 d'Anglés

Ère ua reivindicacion que hè temps qu’hège er alumnat aranés e fin finau s’a artenhut: era aufèrta dera EOI en centre delegat de Vielha incorpòre enguan eth nivèu C1 d’anglés.

Eth cors dejà s’a iniciat e compde damb 21 alumnes matriculadi en nivèu auançat, qu’haràn classes de forma semipresenciau. 

Satisfaccion, per tant, entre es alumnes pera arribada d’aguest nivèu auançat d’anglés.

Aguest cors vierà mercat pera pandèmia deth Coronavirus, e era EOI a implementat eth protocòu de prevencion dera malautia. Masqueta e desinfeccion son es dues prumères paraules qu’er alumnat a aprenut a díder en anglés. 

Ath delà, era EOI a ideat un plan B en cas que i age un aute confinament e non se pogue hèr er examen finau. 

En parallel, era aufèrta formatiua dera EOI en Vielha se completarà damb eth nivèu B1 e damb eth B2.1. 

En aguest sens, encara non s’an cobèrt totes es places que s’i aufrissen enes 3 disparièrs nivèus.

D’aguesta manèra, qui volgue encara ei a temps de hèr era pròva de nivèu o presentar un certificat de nivèu entà ahiger-se as corsi.