Comence eth rodatge dera 2au sason dera série "Èm çò qu'èm"
06/07/2021
I aurà 12 capítols, e s'estrearà ena pròplèu tardor
Pendent aguesta setmana, a començat eth rodatge dera série aranesa "Èm çò qu'èm", de Lleida TV en collaboracion damb eth Conselh Generau d'Aran.
Dempús der èxit dera prumèra sason, a on i auec 15 capítols, aguesta 2au sason compdarà damb un totau de 12 capítols, a on er umor serà er hiu conductor de diuèrses situacions que reflectissen desparièrs airaus e caracteristiques dera vida vidanta ena Val d'Aran, en filmacions de mèns de 5 menutes.
Eth resultat de tot aguest procés de gravacion, le coneisheram era pròplèu tardor, a on i aurà un capitol per setmana.
Eth Departament de Cultura e Lengua deth Conselh Generau a revirat es guions e supervisarà era correccion lingüistica deth rodatge dera série, produsida per Lleida TV e era productora audiovisuau Kionalia Project, damb era finalitat de hèr a arribar era lengua a un public extens en un format pòc explotat.
Dempús der èxit dera prumèra sason, a on i auec 15 capítols, aguesta 2au sason compdarà damb un totau de 12 capítols, a on er umor serà er hiu conductor de diuèrses situacions que reflectissen desparièrs airaus e caracteristiques dera vida vidanta ena Val d'Aran, en filmacions de mèns de 5 menutes.
Eth resultat de tot aguest procés de gravacion, le coneisheram era pròplèu tardor, a on i aurà un capitol per setmana.
Eth Departament de Cultura e Lengua deth Conselh Generau a revirat es guions e supervisarà era correccion lingüistica deth rodatge dera série, produsida per Lleida TV e era productora audiovisuau Kionalia Project, damb era finalitat de hèr a arribar era lengua a un public extens en un format pòc explotat.
Manu Moga