Comence era setmana d'escambi ena Escòla Garona de Vielha

Pendent tota aguesta setmana, un totau de 46 alumnes italians e 49 francesi visiten era Escòla Garona de Vielha en marc deth programa Erasmus +, un projècte en quau participen estudis d’es regions de Lengadòc-Rossellon, Val d’Aosta e Piemont e Val d’Aran, e en quau er estudi aranés dejà participèc eth cors passat.

S’a previst que en mai de 2018 aranesi e italians passen tanben ua setmana en Losèra, en França, entà visitar ad aguesti madeishi companhs.

Tota aguesta setmana serà plia d’activitats ludiques mès que permeten as alumnes visitants apréner mès causes sus eth territòri aranés. Se visitaràn musèus e glèises, atau coma es camins reiaus o es banhs d’Arties entre d’autes activitats.

En prumèr dia d’aguesta setmana d'escambi auec lòc ua activitat organizada conjuntament entre era Escòla Garona e eth Grop de Rescat de Montanha des Pompièrs d’Aran.

Des der estudi de Vielha se volèc arregrair a totes es entitats collaboradores qu’ajuden a qu’aguesta sigue ua setmana çò de mès divertida entàs petits qu’i participen.

Un escambi que, mès enlà de servir entà conéisher es diferents cultures e lengues, servís tanben entà crear ligams e hèr naues amistats entre toti aguesti mainatges.