Comence era agropacion de ramats ena Val d'Aran
18/05/2021
Mès de 1000 caps de bestiar seràn enes montanhes, suenhadi per pastors, entà esvitar atacs des ossi
Era agropacion de ramats dera Val d'Aran, que cada an s'inície ena primauera, ja ei en foncionament, e que darà cobertura a mès de 1000 caps de bestiar.
Aguesta passada dimenjada es prumèri ramats de oelhes e crabes se liurèren en Casau, en tot començar a pèisher es prats de Gausac e Casau. En Naut Aran, era agropacion s'amiarà a tèrme a compdar deth pròplèu 30 de mai, s'era climatologia ath permet.
Aguestes agropacions de ramats ei ua accion que hè fòrça ans qu'et Conselh Generau d'Aran realize entà previer es atacs des ossi enes ramats des pastors aranesi, e que se desvolòpe pendent tot er ostiu, enquia noveme, damb eth finançament de tota era accion, a on s'includís era contractacion de pastors. Gràcies a d'aguesta iniciativa, es numeròs d'atacs s'an redusit.
Enguan, ja s'an començat a produsir es prumèri atacs ena Val d'Aran per part des ossi, e ei un hèt que tostmep preocupe, autant ath Conselh coma as pròpris ramadèrs. Segontes eth conselhèr de territòri, paisatge e gestion ambientau, Francesc Bruna, "nosati auem de seguir es protocòus mercadi, informar as ramadèrs se i a atacs e esvitar, ena mesura que pogam, qu'eri siguen preocupadi pes possibles atacs". Atau madeish, Bruna ahig que "eth Conselh trè ua linha de subvencion, damb eraque abonam eth 50% deth valor deth cap de bestiar qu'es assegurances establissen. En toti aguesti ans, eth Conselh a creat un scenari fòrça positiu entàs ramadèrs deth territòri".
Aguesta passada dimenjada es prumèri ramats de oelhes e crabes se liurèren en Casau, en tot començar a pèisher es prats de Gausac e Casau. En Naut Aran, era agropacion s'amiarà a tèrme a compdar deth pròplèu 30 de mai, s'era climatologia ath permet.
Aguestes agropacions de ramats ei ua accion que hè fòrça ans qu'et Conselh Generau d'Aran realize entà previer es atacs des ossi enes ramats des pastors aranesi, e que se desvolòpe pendent tot er ostiu, enquia noveme, damb eth finançament de tota era accion, a on s'includís era contractacion de pastors. Gràcies a d'aguesta iniciativa, es numeròs d'atacs s'an redusit.
Enguan, ja s'an començat a produsir es prumèri atacs ena Val d'Aran per part des ossi, e ei un hèt que tostmep preocupe, autant ath Conselh coma as pròpris ramadèrs. Segontes eth conselhèr de territòri, paisatge e gestion ambientau, Francesc Bruna, "nosati auem de seguir es protocòus mercadi, informar as ramadèrs se i a atacs e esvitar, ena mesura que pogam, qu'eri siguen preocupadi pes possibles atacs". Atau madeish, Bruna ahig que "eth Conselh trè ua linha de subvencion, damb eraque abonam eth 50% deth valor deth cap de bestiar qu'es assegurances establissen. En toti aguesti ans, eth Conselh a creat un scenari fòrça positiu entàs ramadèrs deth territòri".
Manu Moga