Cinc pòdiums aranesi en Campionat de Catalonha de Categories Autonomiques de patinatge sus gèu

Es patinadors e patinadores deth Club d'Espòrts de Gèu Val d'Aran (CEGVA) an tornat a arrasar un còp mès. Pendent era celebracion ena pista de gèu deth Fotbòl Club Barcelona deth Campionat de Catalonha de Categories Autonomiques es aranesi artenheren, ne mès ne mens, que quate prumères posicions e un tresau lòc.

Aguest ère un campionat barrat as clubs dera Federacion Catalana d'Espòrts d'Iuèrn (FCEH) e dera Federacion Andorrana d'Espòrts de Gèu (FAEG) enes categories autonomiques A e B. 

Ena competicion participèren un totau de dotze patinadors e patinadores deth CEGVA: Anna Chesa, Ares Capdevila, Martí Alonso, Abril Pastor, Júlia Feixa, Berta Feixas, Ares Figueruelo, Telmo Ripa, Dani Odriozola, Sara Luque, Dana López e Laila Queiruga.

D'entre eri, Ares Capdevila, Martí Alonso, Dani Odriozola e Laila Queiruga s'èren damb er aur enes sues categories, mentre que Telmo Ripa artenhec ua tresau posicion.

Uns resultats fòrça subergessents que mòstren, un còp mès, eth talent e eth dur trebalh d'aguesti joeni esportistes. 

IMATGE: CONSELH GENERAU D'ARAN