Cap cas nau de Coronavirus en Aran: er optimisme se comence a escampilhar

En tot contunhar damb ua tendéncia positiua ara baisha, aué era Val d’Aran non a enregistrat cap de cas positiu en COVID-19. 

Tot e que se demore eth resultat de quauques pròves realizades, era evolucion des contagis dera pandèmia pendent es darrèri dies en país hèn a escampilhar er optimisme ena Val d’Aran. 

Enquia dia d’aué, son 77 es casi confirmadi de Coronavirus, en tot compdar damb 3 mòrts des der inici dera crisi de salut publica. 

Per un aute costat, son 9 es persones ingressades en Espitau Val d’Aran. Un centre que se trape en tot sostier era batalha ath virus.

Er espitau Val d’Aran a compdat aguesti dies damb materiau sanitari limitat, mès era solidaritat a aflorit mès que jamès a trauèrs de diuèrses enterpreses e institucions.

Se demore, ath delà, naui renfortiments des dejà coneishudi coma EPIS, e tanben mascaretes de snorkel adaptades entad aqueri pacients qu’ac agen de besonh.

Materiaus entà qu’es nòsti professionaus sanitaris poguen auer mès armes entà contunhar en tot lutar en prumèra linha dauant eth coronavirus.