"Camins de retorn" a hèt aumenatge as exiliadi pendent eth fascisme

Ua cinquantia de persones an participat en "Camins de retorn", ua caminada de reconeishença a totes es persones que se vederen obligades a gésser deth país dempús dera victòria deth fascisme ena dusaua guèrra mondiau: es exiliadi.

Eth punt d'amassada dera Caminada a estat eth Pònt de Rei, ena termièra damb França, a on s'a liejut un manifèst e s'a profitat era escadença entà batiar simbolicaments aguest pònt damb un aute nòm.

En un temps de dues ores, es caminants an arribat a Les, a on s'an amassat en Pòliesportiu dera localitat entà dinar toti amassa e veir un documentau.

Aguesta activitat, qu'a estat organizada pera associacion "Taula per Aran", a agut un fòrt caractèr reivindicatiu pera extraordinària situacion politica e sociau que se viu en nòste país.