AUE TV
    1. AUE TV

    Bossòst tornarà a celebrar es processons de Pasca

    04/04/2023

    Bossòst se premanís entàs processons de Setmana Santa, de Diuendres Sant e Dimenge de Pasca, organizades pera Associacion de Setmana Santa, ath delà des oficis previsti pera parròquia. 


    Bossòst ei er unic municipi aranés que consèrve aguestes processons e place, ath delà, eth Monument de Dijaus Sant en presbitèri dera glèisa romanica dera Purificacion, un destacat element patrimoniau deth sègle XVII, que ven de restaurar-se en diuèrses fases impulsades peth Conselh Generau d’Aran.
     

    Eth municipi acuelherà tanben ua hèira d’antiguitats es dies 7, 8 e 9 d’abriu. 


    PROGRAMA
     
    - Dimenge de Rams, 2 d’abriu
    12.30 h. Missa.

     
    - Dijaus Sant, 6 d’abriu
    18.30 h. Missa, damb lauatòri de pès.
    22.00 h. Ora Santa.

     
    - Diuendres Sant, 7 d’abriu
    10.00 h. Processon deth Via Crucis.
    19.00 h. Ofici (Missa). 
    22.30 h. Processon deth Sant Enterrament.

     
    - Dissabte Sant, 8 d’abriu
    20.00 h. Missa solemna de Vegilha Pasquau.

     
    - Dimenge de Pasca, 9 d’abriu
    12.30 h. Missa solemna.
    13.30 h. Processon deth Sant Retrobament.


    HÒNT: AJUNTAMENT DE BOSSÒST 
    Manu Moga
    Tornar