Bossòst sufragarà eth 100% deth còst des libres e materiau escolar

A trauès dera Associacion de Mairs e Pairs d'Escolans (AMPA), eth consistòri assumirà aguest còst en cors 2021-22 entà toti es escolans e es escolanes deth centre educatiu damb er objectiu d'ajudar as familhes e assolidar er alumnat en municipi.

Aguesta mesura s'enquadre laguens deth convèni qu'er Ajuntament manten damb era AMPA entath desvolopament des activitats escolares e extraescolares. Aguestes ajudes se veïcularàn a trauès dera associacion, que retornarà era despenaa assumida pes pairs e mairs entar aqueriment abituau d'aguest tipe de materiau.

"Damb aguesta mesura extraordinària e universau, er Ajuntament vò aprigondir en compromís damb es familhes en desvolopament des melhores condicions possibles d'escolarizacion des nòsti mainatges e mainades, en uns moments especiaument complicadi des deth punt d'enguarda sociau e economic", a explicat eth baile, Amador Marqués.


HÒNT: LLEIDA DIARI