Bossòst encargue un estudi tecnic tà restaurar eth Monument de Dijaus Sant

Er ajuntament de Bossòst a demanat un estudi entà que se pogue determinar eth grad de degradacion deth Monument de Dijaus Sant. Ei ua peça que se sauve ena glèisa dera Purificacion, mès sonque se pòt veir pendent es celebracions de Dijaus Sant e Diuendres Sant. Ara, se vò concretar er estat exacte entà començar a actuar pr’amor que jamès s’a restaurat.

Aguest estudi ei eth prumèr pas entad aguest monument compausat per ua façana, uns lateraus e un plafon, conformadi en forma d’absis, se pugue exposar de manèra permanenta en beth lòc.

Ei ua peça deth Barròc e non i a constància de qui l’encarguèc ne perqué. Era òbra se sauve tot er an ena madèisha glèisa dera Purificacion.