Bossòst aurà ua 2au edicion deth hestivau d'arts muraus "Eth Grauèr"
13/02/2023
Se passatz pera N-230 ath sòn pas per Bossòst veiratz d'apròp un gran cervi o ua grana agla e fauna autoctòna dera montanha. Se tracte de grani muraus d'art urban qu'an pintat 7 artistes es façades e persianes d'establiments plaçadi ena principau artèria comerciau deth pòble, eth Passèig Eth Grauèr
Segons expliquèc eth baile de Bossòst, Amador Merqués, era iniciatiua a estat impulsada per Ajuntament e eth Conselh Generau d'Aran e ei ua des accions previstes en Plan de Comèrç de Bossòst entà dar vida en aguest important carrèr e ath madeish viatge "combàter era imatge e era efècte dera persiana barrada". E ei qu'es muraus s'an pintat en establiments que demoren barradi per desparièrs motius.
Es muraus sigueren pintadi hè pòqui dies pendent ua setmana. Eth baile destacaue eth succès d'aguesta prumèra edicion deth Hestivau d'Arts Muraus e ja auance era continuitat entar an que ven. Es artistes an representat eth sòn art en forma de guardades o d'imatges de natura e fauna e païsatges de montanha.
S'an hèt creacions en sies façades e persianes abaishades e ena façada d'un hotèl.
HÒNT: AJUNTAMENT DE BOSSÒST
Es muraus sigueren pintadi hè pòqui dies pendent ua setmana. Eth baile destacaue eth succès d'aguesta prumèra edicion deth Hestivau d'Arts Muraus e ja auance era continuitat entar an que ven. Es artistes an representat eth sòn art en forma de guardades o d'imatges de natura e fauna e païsatges de montanha.
S'an hèt creacions en sies façades e persianes abaishades e ena façada d'un hotèl.
HÒNT: AJUNTAMENT DE BOSSÒST
Manu Moga