Bossòst auance enes negociacions entath bastiment deth nau camp de gòlf

Bossòst auance enes negociacions entà auer prèst eth camp de gòlf en parçan des Prats dera Lana. Des der ajuntament se sage d’arribar a un acòrd damb es proprietaris des terrens, que son lèu ua setantia, entà hèr uns contractes d’arrendament qu’asseguriarie era empresa explotadora, de manèra que se lis garantis que non perderàn era titolaritat des madeishi en cap moment. Atau madeish, çò que demore arténher er ajuntament ei un convèni a tres bandes entre er ajuntament, era enginheria qu’elabòre es estudis e eth projècte e es inversors. Damb es darrèrs, er ajuntament a pendent ua amassada eth pròplèu mes de mai.

Per ara, es negociacions entre er ajuntament e es proprietaris auancen damb bon pè e se tot va segontes lo previst, se poderie signar eth contracte en uns mesi. Dempús, eth següent pas serie començar era tramitacion urbanistica.