Bossòst apròve un pressupòst d'1,5 milions d'èuros entath 2023 e demore completar era regeneracion urbana deth municipi
25/02/2023
L'Ajuntament de Bossòst a aprovat, aguesta setmana, eth sòn pressupòst entar an 2023, damb un impòrt iniciau d'1,5 milions d'èuros. Er increment de lèu 500.000 èuros, respècte des compdes qu'abituaument apròve eth consistòri, proven fonamentaument dera prevision d'execucion dera dusau fasa de renauiment deth centre istoric, que compren es carrèrs d'Arnan, Sant Cerat e Sant Joan Crisòstom
Aguesta accion s'a endarrerit lèu un an, donques qu'er ajuntament li a calgut modificar eth projècte entà adaptar-lo ar increment de prètzi atau coma entà garantir-ne un nau finançament, a trauès deth PUOSC e deth plan d'inversions dera Deputacion de Lhèida. Pendent es pròplèu setmanes, se convocarà era licitacion corresponenta.
Ath delà, er ajuntament a ja adjudicat era melhora des carrèrs de Sant Fabian, de Marra e trauèssa de Sorieus, ath delà dera darrèra fasa de renauiment der enlumenat Public. "Damb aguestes òbres, eth consistòri demore completar substanciaument era regeneracion integrau deth teishum urban, desvolopada pendent es darrèri ans", segons a explicat eth baile Amador Marqués.
HÒNT: AJUNTAMENT DE BOSSÒST
Ath delà, er ajuntament a ja adjudicat era melhora des carrèrs de Sant Fabian, de Marra e trauèssa de Sorieus, ath delà dera darrèra fasa de renauiment der enlumenat Public. "Damb aguestes òbres, eth consistòri demore completar substanciaument era regeneracion integrau deth teishum urban, desvolopada pendent es darrèri ans", segons a explicat eth baile Amador Marqués.
HÒNT: AJUNTAMENT DE BOSSÒST
Manu Moga