Bones previsions d'esquiaires pendent Pasca en Baqueira-Beret
14/04/2017
Era aucupacion anauta favorís un gran barrament dera sason d'esquí
SOCIETAT
Baquèira
Baqueira-Beret afronte es darrèri dies dera sason d’enguan, damb bones perspectives. Pendent es pròplèus dies de Pasca, se demore qu’era aucupacion otelèra sigue de lèu eth 100%, e per tant, qu’era màger part d’aguesti visitaires, pugen as pistes a gaudir des darrères baishades.
Enguan Baqueira-Beret barrarà era estacion eth pròplèu 17 d’abriu, en tot coincidir damb era darrèra jornada hestiua de Pasca. Enguan es sensacions, a manca de chifres concrètes, ei plan bona, pr’amor qu’a compdar deth mes de gèr era estacion a agut nhèu de manèra constant pendent toti aguesti mesi, e açò a favorit que i auesse fòrça gent pendent totes es hèstes e dimenjades.
Ath delà, tanben a supausat un gran exit d’acuelhuda de competicions esportiues, a on a destacat un an mès era celebracion dera Marxa Beret, qu’en 2017 a celebrat era 38au edicion. Ath delà, era fin dera sason tanben a portat era celebracion d’autes competicions coma era Copa deth Mon d’Esquí de Montanha o eth Campionat d’Espanha d’Esqui de hons e d’snowboardcross e skicross.
Manu Moga