Barre dempús de 43 ans Bar Casa Tuste
Un des bars mès mitics de tota era Val d'Aran barre es sues pòrtes dempús d'ua longa tradicion de servici as sòns vesins e visitaires
Eth Bar Casa Tuste de Les barrarà aguest fin de setmana es sues pòrtes dempús de 43 ans trabalhant pes vesins e visitaires deth territòri de forma incansable.
Aguest emplaçament ei ua autentica referéncia en mon dera restauracion dera Val d’Aran e eth bar mès coneishut de tota era zòna deth Baish Aran. D’aquiu en destaquen era simpatia e eficiéncia de toti aguesti ans de Ramona e Quique, e en airau de gastronomia es famoses torrades d’embotit elaborades peth pròpri Quique.
Aguest fin deth Bar Casa Tuste arribe en moment en qu’es logatèrs se jobilaràn e er actuau propietari non considère seguir damb aguesta activitat economica.
Eth Bar Casa Tuste tostemp a auut ua grana vinculacion damb er espòrt, en tot èster sedença principau des celebracions des victòries e grani succèssi dera Associacion de Fotbòl Les autant coma en tot ajudar-les aufrint minjar as jugadors e còs tecnic.
