Barrada era pista de gèu dempús de trapar ua grèu pana en sòn sistèma de refrigeracion

Er Ajuntament de Vielha s'a vist obligat a barrar de forma indefinida era pista de gèu deth Palai dempús que s'i trobèsse ua grèu pana en sòn sistèma de refrigeracion.

Aguest, que ja portaue installat mès de dus decènnis, ja presentaue bèri problèmes pendent es darrèri ans.

Er Ajuntament de Vielha e Mijaran, que ja trabalhe damb es equipes tecniques entà resòlver eth problèma tanlèu coma se poga, avalore era possibilitat de sométer a un procès de participacion ciutadana era solucion a aplicar ad aguesta installacion deth Palai de Gèu.

Peth moment, e ara demora des decisions que se creiguen oportunes per part deth consistòri, s’an suspenut es resèrves de “stages” que volien passar uns dies en gèu dera Val.

Era rèsta d'installacions deth Palai de Gèu foncionen damb normalitat, mès, enquia nau avís, es pòrtes dera pista de Gèu aranesa demoren barrades.