Baqueira-Beret met en foncionament es sòns tres airaus damb 65Km esquiables entath pònt de deseme
05/12/2023
Era meteorología cambianta de tardor portèc enquia Vaquèira ua nheuada de 15 cm e ues baishes temperatures qu'an estat es claus entà qu'es servicis de preparacion de pistes agen trabalhat entà arténher ua dubertura ampla dera estacion de cara ath pònt dera Constitucion e era Puríssima
Aguesta aumentacion der airau esquiable s'inicèc eth 25 de noveme quan era estacion comencèc era zòna de Vaquèira dempús d'ues nheuades de 30 cm damb uns 25 km de pistes daurides. Eth trabalh des tecnicians a amiat a arténher bones condicions damb celhs que van des 10 as 30 cm de nhèu povàs-dur entà toti es aficionadi der esquí e eth snowboard que volguen gaudir ath maximal dera estacion aranesa e eth Palhars, atau coma de toti es servicis de restauracion, loguèr e venta de materiau.
Ei previst qu'er airau de Vaquèira age en foncionament, cada viatge que es condicions meteorologiques acompanhen, toti es sòns remontadèrs e enquia 30 pistes e 33 km. En Beret se dauriràn enquia 6 remontadèrs e 9 pistes en tot somar 17 km. En Bonaigua era soma de pistes serà de 9 e remontadèrs 7 damb 15 km dauridi. Eth totau acumule 48 pistes e 27 remontadèrs ena estacion a compdar deth 6 de deseme quan se preve ja era preséncia de fòrça practicaires des espòrts d'iuèrn enquiath dimenge 10 de deseme.
HÒNT: BAQUEIRA-BERET
HÒNT: BAQUEIRA-BERET
Manu Moga