Baqueira-Beret, era prumèra estacion d'esquí en daurir en Espanha
28/11/2022
Aguest passat dissabte dauric damb lèu 40 kms, enes airaus de Baqueira e Bonaigua
Mercés as nheuades d'aguesti darrèri dies, qu'an acumulat entre 30 e 40 cm, e es baishes temperatures qu'an permetut era produccion de nhèu, se comence er airau de Vaquèira e era connexion damb Bonaigua damb un totau de 29 pistes e 12 remontadors dauridi que daràn accès a 36 km esquiables.
Era naua sason 2022-2023 arrinquèc eth dissabte 26 de noveme. Es remontadors dauridi entara estrea ena zòna de Vaquèira son eth TC Vaquèira, TSD Bòsc, TSD Pla de Vaquèira, TSD Cabana, TSD Jorge Jordana, TS Esquiròs, TQ Rabadà e es cintes Carrerètes 1 e 2, Infantila e Bòsc.
Eth prètz deth forfait serà especiau damb un còst de 38€ eth d'adult e 25€ er infantil, enquiath dia 3 de deseme que passarà a auer era tarifa generau.
A compdar dera pròplèu setmana ei previst daurir era rèsta de sectors deth domeni esquiable se se confirmen es previsions de nhèu e s'es condicions ac permeten.
Manu Moga