Baqueira-Beret e eth Conselh Generau d'Aran hèn part dera Taula Estrategica d'Estacions de Montanha
Era plataforma ei impulsada peth Govèrn dera Generalitat de Catalonha e compde damb representants publics e privats
Eth Govèrn dera Generalitat de Catalonha a aprovat pendent aguesta setmana era Taula Estrategica d’Estacions de Montanha. Ua plataforma a on s’includissen actors publics e privats d’aguest airau en Catalonha e qu’an era nhèu coma principau motor economic. Segontes comente eth govern catalan, er objectiu ei establir un marc de collaboracion estable entre toti es sòns participaires
En cas dera Val d’Aran, en aguesta taula i seràn presents eth sindic d’Aran coma representant deth Conselh Generau d’Aran e era estacion d’esquí de Baqueira-Beret. Des dera estacion privada, consideren tanplan positiua era sua preséncia en aguesta taula publico-privada.
Un des prumèrs objectius serà era redaccion d’un libre blanc sus es estacions de montanha entà prepausar ua politica governamentau autant a cuert coma long termini. E, tanben coordinar accions promocionaus des desparières estacions d’esquí aupin e nordic de Catalonha.