Baqueira-Beret daurirà era sason d'ostiu eth pròplèu 7 de junhsèga

Era centrau de resèrves online de Baqueira Beret ei actualizada damb tota era informacion d'estiu e aufrís era personalización des vacances ena Val d'Aran o Valls d`Àneu ath melhor prètz damb era garantia e qualitat Baqueira Beret ath delà de multiples aventatges coma ei eth forfait deth telesèra Blanhiblar gratuït en cas de reservar a trauès de www.viatges.baqueira.es. Se se dispòse deth BaqueiraPASS de sason d'iuèrn, era pujada tanben ei gratuïta o se se dispòse de BaqueiraPASS recargable per dies eth sistèma tanben permet crompar es forfaits en estiu.

 

Restauracion e lotjament en 1500

Er Otèl Montarto e eth Wine Bar by Vinha Pomal dauriràn es sues pòrtes eth 7 de junhsèga e eth restaurant Pla de Beret a previst daurir eth 9 amassa damb era començada de manèra contunhada deth telesèra panoramic Blanhiblar e en tot coïncidir damb era dimenjada dera celebracion der UTMB Val d'Aran. Pera sua part, era Bòrda Lobato a previst era sua data d'inici d'activitat eth 23 de junhsèga.

En Baqueira 1500, ena plaça deth Forum se place er Otèl Montarto qu'a estat sometut a un procès de renauiment ath long des darrèri ans e dispòse de tota sòrta de comoditats entàs sòns clients, coma un spa, piscina, restaurant exclusiu der otèl, wifi e desparièrs espacis d'òci. 

Tanben s'organizen excursions e activitats enfocades a toti es publics gratuïtes entàs clients der otèl. Aguestes gessudes son ideaus entà qu'es familhes que cerquen un estiu actiu gaudisquen de paratges unics coma eth lac de Baciver, un des mès coneishudi dera Val d'Aran, que permet completar tota era cara nòrd de Vaquèira. Er otèl a previst dar per finalizada era sason d'estiu eth dimenge 29 d'agost. Mès informacion en www.montarto.com

Ath torn deth Montarto era estacion dispòse de dus restaurants de renom: Eth Wine Bar by Vinha Pomal e era Bòrda Lobato. En Wine Bar se pòt gaudir d'ua complèta seleccion de racions e platets en un ambient modèrn damb un tòc rustic e es melhors vins dera signatura riojana Bodegas Bilbaínas.

Era Bòrda Lobato ei eth bastiment aranés mès ancian ena zòna dera estacion, ère ja abans dera collocacion des telesères hè mès de 50 ans, albergue un interior totaument reformat damb un restaurant a on destaque era codina de fusion internacionau combinada damb ua brasa vista a on s'i preparen es melhores carns deth mercat. Ambdús locaus se tròben just ath costat der Otèl Montarto e compden damb un ample parcatge dera estacion d'esquí ena còta 1500.

Fin finau, en Beret i a un corròp d'activitats a realizar entre es que destaquen era passejada damb eth Telesèra Blanhiblar, eth loguèr de BTT, electriques e paumonars, a trauès de Copos Bike en madeish Pla de Beret, excursions a shivau, senderisme e d'autes disponibles ena web dera estacion. Justament, ath costat dera basa deth telesèra se tròbe eth Restaurant Pla de Beret a on s'i pòt aquerir eth Summerticket damb eth forfait deth telesèra Blanhiblar e eth menu de Pla de Beret per 31€ entà adults e 18€ entara mainadèra.


HÒNT: BAQUEIRA-BERET