Baqueira-Beret contunhe en tot premanir es informes d'ampliacion ena Val d'Àneu

Era estacion d’esquí de Baqueira-Beret contunhe en tot trebalhar ena ampliacion deth sòn domeni esquiable de cara as pròplèus sasons. Un des projèctes mès importanti qu’an previst ei er expansion entara Val d’Àneu, en parçan dera Peülla.Era Comission d’Urbanisme der Alt Pirineu emetec un informe favorable eth passat mes de mai, ara modificacion deth pla especiau urbanístic der airau esquiable deth sector dera Peülla-Montanyó-Rialba. D’aguesta manèra, era superfícia totau d’aguesta zòna serà de 232 ectàres. Ara, Baqueira-Beret trebalhe enes informes apertinenti entà amiar endeuant eth projècte establit.

Era prepausa a previst desvolopar aguesti prètzhèts en tres estapes de sies ans de durada cadua, e damb ua inversion finau ath torn des 22,85 milions d’èuros.