Baqueira-Beret comence era gira de presentacion dera sason 2017-18

Baqueira-Beret contunhe en tot premanir es detalhs de cara ara sason d’iuèrn 2017-18. Eth pròplèu 23 d’octobre comence era tradicionau gira de presentacion dera sason per Estat e tanben per diuèrsi païsi d’Euròpa. Ua gira que supausarà un mes de viatges entà qu’es clients dera estacion e touroperadors, poguen conéisher era aufèrta d’esquí e après-ski que Baqueira-Beret premanís amassa damb Foment Torisme Val d’Aran e eth Conselh Generau d’Aran. 19 ciutats d’Espanha receberàn ara estacion, en tot centrar-se en Barcelona e Madrid. Mès, cada viatge era preséncia de Baqueira-Beret dehòra des nòstes termières ei mès importanta.

Aguesta gira de presentacions finalizarà a finaus de noveme, pr’amor que Baqueira-Beret a previst daurir es pòrtes dera naua sason eth pròplèu 25 de noveme s’es condicions climatologiques ac permeten.

Pendent es pròplèus setmanes era estacion d’esquí a previst finalizar es òbres pendentes, en tot demorar encetar damb fòrça optimisme era 53au sason d’iuèrn.