Baqueira-Beret barre era sason 2021-22 damb mès d'un milion de forfaits venudi

Baqueira-Beret se da comiat d'ua grana sason sostenguda de bona nhèu, bon temps e continu flux de visitants pendent toti es mesi. Dempús de dus ans afectadi pera pandémia, era estacion e eth territòri en generau, an gaudit d'ua exitosa sason. Es amants dera nhèu èren damb desirs de poder deslizar-se pes pistes, çò que s'a notat en gran volum de visitants procedenti de territòri nacionau e internacionau.

Era estacion dauric e barre era campanha iuernau tau e coma auie previst en sòn calendari, quitament en tot mantier tot er airau de Beret daurida enquiath darrèr dia de sason, quan era prevision de barrament ère entath 27 de març.

Mercés as prumères nheuades de fins deth mes de noveme qu'acumulèren enquia 40 cm e es baishes temperatures que permeteren produsir nhèu, s'a pogut mantier eth domeni esquiable a disposicion des sòns clients des deth prumèr dia.

Er inici dera sason siguec mercat tanben per un Pònt dera Purissima damb 60.000 esquiaires e 2 mètros de nhèu qu'aufric ues condicions excellentes damb grana part de Baquèira-Beret daurida.

Li seguic Nadau damb 159.000 esquiaires e fòrça activitat entà toti es publics, en tot repréner atau era quasi normalitat dempús dera pandémia.

Es desparières competicions, es bones condicions e tot eth domeni esquiable daurit an hèt qu'es mesi de gèr, hereuèr e març s'age mantengut era grana afluéncia d'esquiaires.

Setmana Santa a estat eth punt clau entà superar eth milion de visitants e concludir ua sason que hè istòria ena estacion.



HÒNT: BAQUEIRA-BERET