Baqueira Beret acuelherà a compdar de deman dijaus e enquia diuendres dues pròves de Slalòm de Copa d’Euròpa

Era estacion d’esquí de Baqueira Beret acuelherà a compdar de deman dijaus e enquia diuendres dues pròves de Slalòm de Copa d’Euròpa, eth qu’ei eth dusau circuit internacionau d’espòrts d’iuèrn mès important.

En aguest sens, uns 90 participaires de 19 païsi s’aproparàn enquia aguest parçan entà competir entre eri e damb era representacion espanhòla qu’ei jos era estructura dera Real Federación Española de Deportes de Invierno. Eri son Quim Salarich, Juan del Campo, Aingeru Garay, Tomás Barata, Jonás Sánchez e Aleix Aubert.

Des der Ajuntament de Naut Aran volem desirar fòrça sòrt a toti eri e tanben ath comitat organizatiu pr’amor d’acuélher aguesta pròva de naut nivèu en nòste municipi, ua situacion que non succedie des de 1973.

Vos convidam a toti a víuer era magia der espòrt en Naut Aran per Esport 3/3Cat, Teledeporte/RTVE Play o es streamings de Youtube de @baqueira_beret o era Federacion Internacionau d’Esquí a compdar des 09:30 deth maitin.


HÒNT: AJUNTAMENT DE NAUT ARAN