Baishen era crotz der Aneto en elicoptèr entà reparar-la

Era crotz s'a desmontat damb 4 pèces e ara s'apraiaràn es damatges qu'a patit pendent tot aguest temps exposada as inclemències deth temps. Enes darrèri ans, era crotz ja presentaue un aspècte deteriorat e quitament s'auie torçut en tot supausar un risc entàs excursionistes que cada an coronen era cresta. Pendent tot er iuèrn, era cresta non aurà aguest simbèu emblematic donques que non serà enquiara primauera que se tornarà a plaçar. Ei eth prumèr còp que s'amie a tèrme ua operacion d'aguestes caracteristiques entà apraiar era crotz.