Bagergue, prumèr pòble de Catalonha includit ena lista des mès polidi d'Espanha

Bagergue ei dejà un des 79 pòbles mès polidi d'Espanha, e eth prumèr de tota Catalonha en entrar ena selecta lista que confeccione era Associacion des pòbles mès polidi d'Espanha.

Ar acte de proclamacion i an assistit autoritats coma era delegada deth govèrn en Catalonha o eth president dera Associacion des pòbles mès polidi d'Espanha. Atau, s'a descaperat eth pannèu oficiau qu'arreconeish aguest títol en Bagergue.

Ua jornada a on s'a hèt ua visita pes principaus carrèrs dera localitat e a on s'a pogut gaudir des tradicionaus balhs aranesi.

Entre es beneficis de trobar-se en aguest Hilat de Pòbles mès polidi d'Espanha, se trape era melhora ena promocion toristica. Quauquarren que semble que ja a començat a experimentar en Bagergue.

Aguest arreconeishement non aurie estat possible sense era grana collaboracion des vesins e vesies dera localitat. Eri, de forma totauments desinteressada, son es que se n’encueden de suenhar Bagergue.

Sonque es pòbles qu'an mens de 15.000 abitants e un arreconeishut auviatge naturau o arquitectonic pòden èster candidats tà convertir-se en un des pòbles mès polidi d'Espanha.