Bagergue auance enes òbres de melhora dera sua carretèra e des sòns carrèrs

Eth pòble de Bagergue se trape en tot apraiar es sòns carrèrs dempús des inclemències der iuèrn, e tanben era sua carretèra d'accès, que permet connectar Bagergue damb Salardú e damb era rèsta dera Val.

Gràcies ad aguestes naues òbres, era carretèra de Bagergue passarà des 4 mètres actuaus d'amplada e cauçada as 7 mètres, en tot incrementar d'aguesta forma era seguretat e era comoditat ena via. Un projècte que è temps que demoren es lèu 100 abitants deth pòble.

Aguestes òbres de Bagergue arriben dempús qu'est an passat se realizèssen accions de melhora en Pònt de Pava. Atau madeish, se preve que lèu se comence un plan d'òbres entà melhorar era canalizacion des barrancs Seixes e Campaliàs, plaçadi en Camin Reiau de Bagergue. Ues accions que demoren méter fin as problèmes que se dan pendent es episòdis de desgèu e intenses ploges, quan aguesti barrancs de desbòrden en tot enaiguar eth Camin Reiau de Bagergue.