Autocontròl emocionau, motivacion e autodefensa en darrèr cors deth SIAH

Eth Servici d’Atencion Integrau ara ciutadania a organizat un cors de coaching sus autocontròl emocionau, motivacion e autodefensa. En 4 sessions de 4 ores cadua, aguesta formacion preten balhar coneishements d’autodefensa e tanben aprohondir en mon dera gestion des emocions ena nòsta vida vidanta.

Ua des activitats mès subergessentes en aguesta formacion ei eth hapkido. Aguest art marciau d’origina coreana ei enfocat ara defensa personau, e non ei basat ena fòrça dera persona, senon enes abilitats e eth movement deth pròpri còs.

Un aute des tèmes destacadi deth cors ei eth dera intelligéncia emocionau. Un ahèr que non sonque ei d’interés entàs adolescents que passen per cambis emocionaus tan grani, senon tanben entàs adults. Pr’amor que saber gestionar adequadaments es emocions balhe major felicitat.

Es pròplèus sessions deth cors seràn eth  deluns 26 de noveme e eth deluns 3 de deseme en orari de 4 a 8 dera tarde en Centre de Desvolopament Infantil e Atencion Precoç. Arrebrembam tanben qu’aguest cors ei dubèrt a toti es interessadi.