Aumenten a 6 es persones ingressades ena planta COVID-19 der Espitau Val d’Aran

Aué s’an confirmat dètz-e-sèt naui casi per COVID-19

Enes darrères ores s’an efectuat dus naui ingrèssi ena planta COVID-19 der Espitau Val d’Aran, a on actuaument i a 6 persones ingressades peth virus.

Eth risc de rebròt ena Val d’Aran ei actuaument de 2.127, e era velocitat de reproduccion dera malautia (RT) de 3,01, segontes es donades deth Departament de Salut dera Generalitat

Eth govèrn deth Conselh Generau d’Aran rebrembe eth besonh seguir totes es mesures preventives establides pes autoritats sanitàries.

HÒNT: CONSELH GENERAU D'ARAN