Aué s'amassen es partits deth Conselh tà parlar sus eth nau scenari politic de Catalonha e Aran

Aué deluns, es portaveus des diuèrsi grops polítics que hèn part deth Conselh Generau d’Aran s’amassaràn ena sedença dera institucion politica aranesa entà tractar era posicion qu’a de préner sus era naua situacion politica que viu Catalonha damb era declaracion d’independéncia e damb era aplicacion der article 155 dera Constitucion per part deth govèrn centrau. Enquiara, eth Conselh Generau d’Aran non s’a prononciat de manèra conjunta sus era situacion des darrèri ans, mès ara ei ena obligacion de préner part en aguest nau scenari, coma comente eth portaveu deth grop d’Unitat d’Aran, Paco Boya.

Cau rebrembar, qu’era Lei deth Regim Especiau dera Val d’Aran aprovada en Parlament de Catalonha en an 2015 reconeish en ua disposicion addicionau, eth dret d’autodeterminacion d’Aran. Pendent era darrèra setmana, eth govèrn aranés encarguèc un informe jurídic entà conéisher quina interpretacion se n’a de hèr d’aguesta disposicion, abantes de préner cap tipe de decision sus eth futur des aranesi.