Aué comence eth transpòrt de viatgèrs entre era Val d'Aran e Saint-Gaudens
18/04/2017
Eth prètz finau ei de 3,30€ e ei garantit de deluns a diuendres
SOCIETAT
A compdar d’aué se met en foncionament eth transpòrt d’usatgèrs d’autobusi enquia Saint Gaudens. Aguest transpòrt a un prètz finau de 3,30€. Se mantierà 1,10€ en transpòrt intèrn dera Val d’Aran damb ALSA e 2,20€ en territòri francès damb era entepresa EPTR. Aguest nau transpòrt ei frut der acòrd ath qu’arribèren eth Conselh Generau d’Aran e eth Conselh deth Departament dera Haute Garonne entà facilitar er accès dera gent entre era Val d’Aran e era region de Comminges.
Se garantirà er orari abituau de deluns a diuendres e se sajarà de que i age un orari establèrt entàs dimenjades. Fin finau, se demore qu’aguest servici pogue ampliar-se entà dar cobertura as usatgèrs que volguen viatjar enquia Toulouse per tren.
Per tant, se produsís un gran auanç ena connexion de viatgèrs entre dus territòris fòrtament conectats, que dejà siguec abituau quan enquiath sègle XX i auie un servici de tramvia.
Manu Moga