Aué comence eth quatau torneg de Padel organizat peth Saxo Blu

Pendent aguesta dimenjada aurà lòc en Mountain Padel Indoor era quatau edicion deth torneg de Padel organizat peth Saxo Blu.

En aguesta competicion participaràn un totau de 72 persones, 54 òmes e 18 hemnes, que se dividissen en prumèra e dusau categoria masculina e ua unica categoria femenina.

En finalizar eth torneig eth dissabte, eth Saxo Blu aufrís un sopar a toti es participants dubèrt tanben as sòns acompanhants.

Coma prèmi s'autrejaràn 60 euròs per parelha guanhadora de cada categoria, ath delà en finalizar era entrega de prèmis i aurà un sorteig de diuèrsi materiaus e productes dera tèrra entàs participants.

Entà saber quines parelhes se proclamen campiones des sues categories encara mos calerà demorar, mès de ben segur que toti es qu’i participen passaràn ua bona estona hènt çò que mès les agrade.