Aué comence era Setmana Culturau ena Escòla d'Adults de Vielha
24/04/2017
CULTURA
Vielha
Des d'aué, deluns 24, enquia eth pròplèu dijaus 27, eth Centre de Formacion d'Adults (CFA) dera Val d'Aran a organizat ua setmana ludica e festiva damb diferentes activitats dubèrtes a toti aqueri que i volguen participar: era Setmana Culturau.
Aguesta tarde, de 15:00 a 17:30 e de 18:00 a 20:30, Hug de la Rosa impartirà eth "Talhèr de Fotografia a trauès d'Instagram" e exposarà es sues pròpies fòtos. En aguest talhèr, es participants apreneràn a realizar un bon reportatge fotografic e penjar-lo posteriorament enes hilats sociaus. Entà realizar aguesta activitat serà necessari qu'es participants pòrten es sòns smartphones o tablets.
Deman, dimars 25, es activitats viraràn ath torn der anglés. Tàs 17:00 i aurà visita ath Ecomusèu Çò de Joanchiquet en Vilamòs (damb explicacions en anglés), e tàs 19:30 se projectarà ena sala Era Audiovisuau de Vielha eth film “The Englishman who went up a hill and came down a mountain”.
Dimèrcles 26 serà eth dia deth francés. Entàs 17:00 dera tarde se tornarà a realizar era visita ath Musèu Joanchiquet, mès damb explicacions integralaments en francés. Tàs 19:30 se projectarà en Era Audiovisuau era pellicula “L’Auberge Espagnole”.
Entà finalizar aguesta celebracion, dijaus 27 arribe ara Val d'Aran era Hèira d'Abriu! Tàs 13:00 deth meddia es alumnes dera Escòla d'Ostalaria de Les aufriràn un bon dinar realizat per eri madeishi as assistents. Ath delà, tàs 17:30 se realizaràn ena Escòla d'Adults ua sèrie de pròves lingüistiques fòrça divertides damb prèmi entàs guanhadors!
No vos perdegatz aguesta setmana d'hèsta e celebracion en Centre de Formacion d'Adults!!
IMATGE: CFA VAL D'ARAN
Aguesta tarde, de 15:00 a 17:30 e de 18:00 a 20:30, Hug de la Rosa impartirà eth "Talhèr de Fotografia a trauès d'Instagram" e exposarà es sues pròpies fòtos. En aguest talhèr, es participants apreneràn a realizar un bon reportatge fotografic e penjar-lo posteriorament enes hilats sociaus. Entà realizar aguesta activitat serà necessari qu'es participants pòrten es sòns smartphones o tablets.
Deman, dimars 25, es activitats viraràn ath torn der anglés. Tàs 17:00 i aurà visita ath Ecomusèu Çò de Joanchiquet en Vilamòs (damb explicacions en anglés), e tàs 19:30 se projectarà ena sala Era Audiovisuau de Vielha eth film “The Englishman who went up a hill and came down a mountain”.
Dimèrcles 26 serà eth dia deth francés. Entàs 17:00 dera tarde se tornarà a realizar era visita ath Musèu Joanchiquet, mès damb explicacions integralaments en francés. Tàs 19:30 se projectarà en Era Audiovisuau era pellicula “L’Auberge Espagnole”.
Entà finalizar aguesta celebracion, dijaus 27 arribe ara Val d'Aran era Hèira d'Abriu! Tàs 13:00 deth meddia es alumnes dera Escòla d'Ostalaria de Les aufriràn un bon dinar realizat per eri madeishi as assistents. Ath delà, tàs 17:30 se realizaràn ena Escòla d'Adults ua sèrie de pròves lingüistiques fòrça divertides damb prèmi entàs guanhadors!
No vos perdegatz aguesta setmana d'hèsta e celebracion en Centre de Formacion d'Adults!!
IMATGE: CFA VAL D'ARAN
Clara Villar