Ath torn de 150 persones s’apropèren ager a dar sang
14/03/2017
SOCIETAT
Vielha
Era prumèra jornada de donacion de sang der an, celebrada ager de 16:00 a 21:30 en Palai d’Espòrts de Vielha, a demostrat era gran solidaritat des vesins dera Val d’Aran.
I auec ues 140 donacions mès 15 oferiments, ua participacion fòrça nauta e mès auent en compde qu’era climatologia non acompanhèc guaire.
Es ores enes que mès gent s’i apropèc sigueren es 18:00 e es 19:30, tot e qu’enquia eth barrament i auec voluntaris disposats a dar sang.
Rebrembam era importància qu’aguest petit acte solidari a, pr’amor qu’en Catalonha cada 3 segons i a bèra persona qu’a de besonh sang, ja que gran part des intervencions quirurgiques e d’auti tractaments requerissen transfusions.
Clara Villar