Arribe eth Mes deth Caviar ara Val d'Aran
05/03/2019
SOCIETAT
Desparièrs restaurants dera Val d’Aran aufrissen, pendent eth 4 e eth 24 de març, plats preparadi damb Caviar Nacarii dera Val d’Aran.
En Mes deth Caviar, aguesta jòia gastronomica des Pirenèus s'incorporarà as cartes d'onze arreconeishudi restaurants aranesi: Del gel al Foc (Rafael Hoteles), Café Nuevo, Era Coquèla, El Italiano (AC Baqueira Hoteles), Eth Ticolet, Es Arraïtzes, Wellbourne, Era Mòla, Lits, Borda Benjamin e El Molí de Vielha se repartiràn eth protagonisme ath long de tres setmanes.
Enes sòns menus seràn presents eth caviar e er esturion codinat en totes es sues versions coma eth Mijòu de ueu trufat damb crèma d’avocat, cigala e caviar Nacarii enquia plats mès contondenti coma er Esturion dera Val d’Aran codinat en desparières formes.
Eth caviar aranés Nacarii, qu'a obtengut era reconeishença des codinèrs peth sòn sabor autentic e transparéncia, s'includís laguens dera Marca de Garantia Val d’Aran. Procedent des aigües heiredes, pures e cristallines deth desgèu deth Garona, s'elabòre de manèra artesanau e damb metòdes tradicionaus ena piscifactoria plaçada en municipi de Les.
Coma en edicions anteriores es experiéncies culinàries pòden acompanhar-se d'autes activitats. Entre es quaus visitar era factoria de Les entà conéisher era istòria e eth procès d'elaboracion, degustar caviar ena botiga deth centre de Vielha o immergir-se enes aigües deth balneari Termas Baronia de Les e conéisher es tractaments elaboradi damb caviar dera Val d’Aran.
Aguest eveniment ei organizat peth Conselh Generau d’Aran e Torisme Val d’Aran damb era collaboracion de Caviar Nacarii e eth Grèmi d’Ostalaria dera Val d’Aran.
En Mes deth Caviar, aguesta jòia gastronomica des Pirenèus s'incorporarà as cartes d'onze arreconeishudi restaurants aranesi: Del gel al Foc (Rafael Hoteles), Café Nuevo, Era Coquèla, El Italiano (AC Baqueira Hoteles), Eth Ticolet, Es Arraïtzes, Wellbourne, Era Mòla, Lits, Borda Benjamin e El Molí de Vielha se repartiràn eth protagonisme ath long de tres setmanes.
Enes sòns menus seràn presents eth caviar e er esturion codinat en totes es sues versions coma eth Mijòu de ueu trufat damb crèma d’avocat, cigala e caviar Nacarii enquia plats mès contondenti coma er Esturion dera Val d’Aran codinat en desparières formes.
Eth caviar aranés Nacarii, qu'a obtengut era reconeishença des codinèrs peth sòn sabor autentic e transparéncia, s'includís laguens dera Marca de Garantia Val d’Aran. Procedent des aigües heiredes, pures e cristallines deth desgèu deth Garona, s'elabòre de manèra artesanau e damb metòdes tradicionaus ena piscifactoria plaçada en municipi de Les.
Coma en edicions anteriores es experiéncies culinàries pòden acompanhar-se d'autes activitats. Entre es quaus visitar era factoria de Les entà conéisher era istòria e eth procès d'elaboracion, degustar caviar ena botiga deth centre de Vielha o immergir-se enes aigües deth balneari Termas Baronia de Les e conéisher es tractaments elaboradi damb caviar dera Val d’Aran.
Aguest eveniment ei organizat peth Conselh Generau d’Aran e Torisme Val d’Aran damb era collaboracion de Caviar Nacarii e eth Grèmi d’Ostalaria dera Val d’Aran.
Clara Villar