Arribe eth Catalonha Rural Hub en Aran

Arribe eth 'Catalunya Rural Hub' tara Val d’Aran, emprenedoria ena montanha entà combàter eth despoblament

Aguesta naua edicion deth 'Catalunya Rural Hub' supause era continuacion deth projècte que consistís en atrèir professionaus der encastre digitau tàs zònes ruraus damb er objectiu d’afavorir er arraïtzament  deth talent, combàter eth despoblament e dinamizar era economia d’aguesti territòris. Eth Conselh Generau d’Aran, mejançant eth hub d’innovacion HèPIC, pren eth relèu d’aguesta iniciativa entà promòir eth teishut productiu e comerciau dera naua economia digitau enes territòris de montanha.

En aguesta edicion, un totau de 10 professionaus digitaus auràn era possibilitat de convertir-se en remote workers pendent dues setmanes en Vielha. Es inscripcions entà poder optar a ua d’aguestes places ja son dubèrtes a trauès dera web de HèPic enquiath 31 d’agost. S’i pòden inscríuer professionaus autonòms, trabalhadors/se d’enterpreses digitaus, persones emprenedores e personau de l’Administracion Publica.  

Se meterà ara disposicion des participants totes es installacions disponibles ena zòna entà poder teletreballar en tot compartir espaci de coworking damb persones emprenedores que ja hè dus ans que compartissen aguest lòc.