Aran-Thal celèbre ua naua edicion des sues colònies

Arridalhes, nèrvis, illusion e, sustot, fòrça ganes. Es mainatges e mainades dera Val d’Aran ja se trapen, un an mès, ena que serà era sua casa pendent es pròplèus dues setmanes damb Aran-Thal.

Ua naua edicion d’aguestes colònies que, an darrèr an congreguen ua grana multitud de mainatges e que, enguan, gaudiràn d'un gran ventalh d’activitats ena poblacion de Saifores.

En aguesta naua edicion d’Aran-Thal i participaràn mès d’un centenat de mainatges.

Se i a quauquarren caracteristic d’Aran-Thal ei era grana complicitat qu’an uns damb auti, ua leiautat que perdure pendent fòrça ans e que provòque qu’es madeishi mainatges volguen contunhar participant en tot exercir de monitors un còp s’hèn grani.