Aran semifinalista entath possible nòm deth nau modèl SEAT

Era marca de veïculs espanhòla, SEAT, se trape en tot finalizar eth procés d'aperar eth sòn pròplèu modèl de coche. Es 9 nòms que se trapen coma semifinalistes son: Abrera, Alborán, Arán, Aranda, Ávila, Donosti, Tarifa, Tarraco e Teide.  Eth proplèu 12 de seteme, era marca anonciarà eth nòm des 3 candidats que passaràn ara finau. Eth 15 d'octobre ei era data escuelhuda entà aufrir eth nòm definitiu qu'aurà eth nau veïcul.

SEAT obtenguec 10.000 prepauses entà denominar eth sòn nau veïcul SUV que serà ara venda a compdar de 2018. Es 9 nòms an superat es 3 ròndes preliminars damb un jurat format per expèrts dera companhia e ua agéncia extèrna especializada en marques e d'auta de proprietat industriau e intellectuau.

Eth president de SEAT, Luca de Meo, a afirmat que "èm tanplan satisfèts dera iniciativa, pr'amor qu'auem mobilizat a mès de 130.000 persones de 106païsi".

Era Val d'Aran ja sagèc d'auer eth sòn nòm damb er anterior modèl de SEAT, mès fin finau eth coche siguec batiejat coma SEAT Altea.




IMATGE: SEAT Altea ei eth darrèr modèl dera companhia a on tanben i participèc Aran.