Aran se torne a manifestar en contra des restriccions ena Ostalaria

Era ploja non a estat un obstacle entà qu’es sectors economics dera Val d’Aran se manifestèssen en contra des naues restriccions dera Generalitat en çò que tanh ara limitacion der  orari de bars e restaurants. 

Atau, ues 250 persones s’an amassat ena avenguda Castièro de Vielha en tot talhar era N-230 en sòn pas peth cap-lòc d’Aran. 

Demanen autant as administracions estataus, dera comunitat autonòma e locaus ajudes dirèctes a un sector que se trape en ua situacion critica.

Ei era dusau concentracion qu’era plataforma SOS Economia VAl d’Aran prebotge en un mes. Era darrèra siguec è sonque pòc mès de 3 setmanes. Ua manifestacion ena que i an participat era ostalaria, empresaris, comerçants e trabalhadors, entre d’auti. 

Descontent tanben peth tracte desparièr entre comarques qu’eth govèrn catalan hè en tot considerar er Alt Urgell e Andorra com ua comarca, mès non hè’c damb Aran e eth sòn país vesin, França.