Aran Park daurís una naua sason er 1 d'abriu
31/03/2017
Es lops grisi son era grana nauetat d'enguan
SOCIETAT
Bossòst
Aran Park dejà ei prèst entà daurir un an mès es sues pòrtes ath public.Enguan, era sason començarà er 1 d’abriu, e s’estierà enquiath 5 de noveme. Per tant, 7 mesi, entà recéber milers de visitaires, e qu’aguesti poguen veir era grana aufèrta de fauna e flòra autoctòna dera Val d’Aran qu’acuelh aguesta installacion. Un inici de sason toristica, que se prudussís abantes de Pasca, e damb nauetats entàs visitaires.
Er objectiu d’enguan d’Aran Park ei superar era chifra de 45.000 visitaires que s’artenhec pendent 2016. Damb es naues espècies demoren qu’aguesta hita sigue realitat, e se pogue superar sense problèmes.
Manu Moga