Aran Park arrecep 30.000 visitants entre junh e octobre

Com dejà ei abituau dempús deth pònt de Tot Sants, Aran Park, eth centre de fauna sauvatja dera Val d’Aran,  dejà a barrat es sues pòrtes ath public en tot acomiadar-se dera sason. 

Uns mesi de pandèmia fòrça atipics qu’an condicionat eth foncionament dera installacion. 

En aguests sens, era dubertura dera sason se produsic a mejans de junh, dus mesi e miei dempús de çò qu’ère previst. Un hèt qu’a contribuït a qu’eth nombre de visitants d’enguan  siguesse lèu un 35% menor qu’ena sason deth 2019. 

En totau, ues 30.000 persones an visitat Aran Park pendent aguest 2020. Er espanhòu a estat era lengua mès escotada en centre, seguit de pròp peth francés. 

Visitants qu’an auut de respectar eth protocòl de prevencion deth Coronavirus.

Optimisme des d’Aran Park en çò que tanh ara redubertura dera naua sason. 

Calerà, totun, demorar uns mesi entà tornar a veir es 130 exemplars d’animaus de 16 disparières espècies que i viuen en Aran Park,  pr’amor que se tot va ben, era inici dera pròplèu sason serà en Setmana Santa.