Aran a viscut eth Pònt dera Purissima mès tranquil que se rebrembe

A estat eth Pònt dera Puríssima mès estranh que s’arrebrembe ena Val d’Aran. E sonque cau contrastar es imatges d’est an passat, aguestes, quan es otèls e restaurants penjauen eth pannèu de complèt e atau èren es coes entà pujar a Baqueira/Beret.

Imatges fòrça diferentes son es d’enguan: ambient tranquil en Aran a on bèth torista s’a hèt a veir, mès plan timidaments. 

Es restriccions de mobilitat e eth barrament de Baqueira/Beret an punit a un sector dera ostalaria aranés que pòrte en tot planher-se des der inici dera pandèmia.

Un deseme que campe damb esperança entath Nadau, era epòca que poirie dar un shinhau de lum a un sector fòrça afectat. 

Ara calerà demorar ath desvolopament dera incidéncia deth Coronavirus e as decisions politiques qu’es administracions vagen prenguent. De moment, des deth Grèmi d’Ostalaria dera Val d’Aran, diden qu’an nautes expectatives entath Nadau.

Informacion que Baqueira/Beret escote damb atencion, pr’amor qu’era dubertura des sues installacions ei condicionada a tot çò que se decidisque des der executiu.