Aprovat eth replaçament des servicis administratius der Espitau

Eth Conselh Generau d'Aran a aprovat aguesta setmana er inici des trebalhs de reubicacion des servicis administratius e de direccion der Espitau dera Val d'Aran. A compdar d'ara aguesti servicis se plaçaràn en un locau adjacent en quau s'installaràn un totau de ueit burèus e tres sales d'amassades.

Aguest replaçament hè possible es pròplèus fases de reforma der Espitau, que consistissen en trasladar eth laboratòri e rebastir eth blòc quirurgic e obstetric gràcies ara creacion de dus naui quiròfans. 

Era naua bastissa d'administracion e direccion deth centre medicau siguec aquerida peth pròpi Conselh, que destinarà 123.953 euròs entara reforma des naues installacions.

IMATGE: CONSELH GENERAU D'ARAN