Apròpa-te a dar sang, e ajuda ad aqueri qu'ac an de besonh

Era Associacion de Donants de Sang dera Val d'Aran comence era campanha de 2017 damb era 1èra Jornada de Donacion de Sang. Aguest deluns de 16:00 a 21:30, eth Palai d'Espòrts de Vielha, coma ei abituau, te demore entà que t'apròpes a dar sang e ajudar a fòrça gent qu'ac a de besonh. Un petit gèst que pòt sauvar era vida d'un pialèr de gent. "Era tua ajuda ei clau. Pensatz que sonque damb 5 menutes podetz ajudar a diuèrses persones qu'an de besonh era sang", comente era presidenta dera Associacion de Donants de Sang dera Val d'Aran, Luisa Estévez.