Aprobacion provisionau dera modificacion des Normes Subsidiàries sus solèr non urbanizable

Eth plen deth Conselh Generau d’Aran s’a amassat aguest diuendres damb caràcter extraordinari e urgent entà aprovar eth text provisionau d’adaptacion des Normes Subsidiàries en solèr no urbanizable des municipis as exigéncies que mèrque eth Plan Director Urbanistic dera Val d’Aran.En aguest cas, entà resòlver era problematica des bòrdes e cabanes preexistentes en país. Ara se daurís un periòde de 45 dies d’exposicion publica entà que toti poguen presentar es allegacions pertinentes.

Era problematica des bòrdes e cabanes preexistentes ei fòrça complèxa, mès s’especifique que sonque se poderàn auer aguestes bastisses damb un caire ludico-familiar. Aguesta resolucion, d’aute biais, non ten en compde es bòrdes e cabanes de naua planta.

Se demore qu’eth text definitiu pugue èster prèst ena tardor. Un viatge dejà i age aguest text, es municipis auràn d’amiar a tèrme un catalòg, e se i a bèra demana de bastir bèra bòrda de naua planta, s’aurà d’elaborar un plan especiau.