Antara arrecebec mès de 1.200 visites pendent es mesi de deseme e gèr

A finaus deth 2018 dauric es sues pòrtes. Aué en dia, se pòt afirmar qu’Antara, eth centre de joenessa de Vielha e Mijaran, se trape en plea forma dempús d’auer arrecebut mès de 1.200 visites pendent es passadi mesi de deseme e gèr. 

Donades excellentes que consoliden eth centre coma punt referent entre es adolescents deth municipi. 

Cultura, léser, espòrts… es activitats que s’aufrissen en Antara son plan disparières e an coma objectiu contribuïr ath desvolopament personau des joeni. 

En aguest mes de hereuèr, per exemple, s’organizaràn talhèrs de smoothies, de hand made e tanben ua hèsta de magràs.

Activitats que cada viatge compden damb mès participaires e milhor acuelhuda, en tot plaçar a Antara coma punt d’amassada entre es joeni dera localitat.

Antara compde damb ua tecnica qu’ajude a dinamizar es activitats, mès tanben compde tanben damb d’auti monitors tà dirigir de forma espicifica es disparières activitats.