Andreu Cortés, passe a auer dedicacion exclusiva en ajuntament de Les

Pendent era darrèra session ordinària deth Plen der ajuntament de Les, eth govèrn d’Unitat d’Aran informèc sus ua modificacion enes dedicacions de part dera sua equipa. En aguest sens, eth tinent d’alcalde, Andreu Cortés, veirà augmentada era sua dedicacion de temps parciau a exclusiu, mentre qu’er actuau baile, Emilio Medan, deisharà de crubar era sua corresponenta dedicacion, mès contunharà en tot exercir es sues foncions actuaus coma cap deth govèrn deth municipi.

Maugrat aguesti cambis, era equipa de govèrn se manten coma enquiara, en tot auer hèt sonque ua modificacion des dedicacions, que demorarà d’aguesta manèra enquiara fin deth mandat en an 2019.