Ambròs Barberà, director deth hotèl Tuc Blanc de Vaquèira, entre es 150 professionaus mès influents deth torisme espanhòu per quatau an consecutiu
01/05/2023
Ambròs Barberà, CEO e director der hotèl Tuc Blanc, a pè de pistes de Baqueira-Beret, e expresident deth Grèmi d'Ostalaria dera Val d'Aran, a estat escuelhut entre es 150 professionaus mès influents deth torisme espanhòu 2023 en ua lista elaborada per Sergestur (Servicis de Gestion Toristica), consultora especializada en Renauiment e Reabilitacion de complèxes toristics, per quatau an consecutiu
Era consultora Sergestur (Servicis de Gestion Toristica) a presentat era quatau edicion deth listat de "Es 150 professionaus mès influents en Sector Toristic d'Espanha", ua guida que permet conéisher qui ei qui e com apòrten ar ecosistèma toristic. Es critèris de seleccion se basen ena coneishença, era experiéncia, era reputacion e era responsabilitat sociau e personau, entre d'autes causes. Enguan figuren mès hemnes en cargues de responsabilitat e s'a metut eth foguièr ena gestion de persones.
Enguan, Segestur decidic prestar atencion a un departament estrategic coma eth de recorsi umans e gestion de personau, degut "ath gran debat sus era fauta de personau o de formacion per deficiéncies de sistèmes educatius incomplèti".
Era edicion 2023 de "Es 150 mès influentes" preste atencion a tot çò que s'a realizat, a trauès de mejans de comunicacion, webinar, participacion en congressi e eveniments publics, accions diferenciadores, tendéncies, innovacions, en tot cercar as persones que mès subergessen en cada subsector e en tot aufrir un equilibri representatiu restacat ara importància des principaus regions toristiques espanhòles.
HÒNT: SERGESTUR
Era edicion 2023 de "Es 150 mès influentes" preste atencion a tot çò que s'a realizat, a trauès de mejans de comunicacion, webinar, participacion en congressi e eveniments publics, accions diferenciadores, tendéncies, innovacions, en tot cercar as persones que mès subergessen en cada subsector e en tot aufrir un equilibri representatiu restacat ara importància des principaus regions toristiques espanhòles.
HÒNT: SERGESTUR
Manu Moga