Amassada der Ajuntament de Vielha e Mijaran damb era direccion dera Trail Vielha-Molières 3010
08/02/2023
Eth baile de Vielha e Mijaran, Juan Antonio Serrano e eth còsso d'espòrts, Alberto López, s'an amassat damb eth director dera Trail Vielha-Molières 3010, Jose Antonio Vidal, entà premanir toti es detalhs organizatius dera 6au edicion d'aguesta competicion de montanha qu'aurà lòc eth pròplèu 15 de junhsèga. Ua pròva qu’en pòqui ans a artenhut ua repercusion fòrça importanta en mon des pròves de montanha (trails).
I aurà es 2 modalitats ja abituaus: Era Molières Maraton (43 Kms e 4200 mètres de desnivèu positiu) e era Montpius Skyrace (23 Kms e 1800 mètres de desnivèu positiu). Coma en edicions anteriores, i aurà participaires non sonque d’Espanha, senon tanben arribadi de desparièrs païsi d’Euròpa, en tot remercar eth caire internacionau qu’a era pròva.
En totau se demoren uns 3000 sojorns, en tot supausar ua repercusion economica de mès de 200.000 € en benefici deth sector toristic municipau.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga